Shilole Nae Akaa Mtupu Jukwaani

NEWZ>>>FILEX MMARI

KATIKA kile kilichoonekana kama wasanii wa Bongo Movies wana ‘aleji’ na kujisitiri miili yao, baada ya Wema Sepetu na Aunt Ezekiel, safari hii Zuwena Mohamed ‘Shilole’ ameanika sehemu zake za siri kweupe.

 Gazeti hili lina picha zinazomwonesha Shilole ambaye kwa sasa amegeukia muziki wa mduara, akiwa jukwaani huku akionekana hana habari kabisa na kitu kinachoitwa staha achilia mbali heshima.
Chanzo chetu cha habari kwa sharti la kutotajwa jina lake gazetini, kilinyetisha kwamba, Shilole amekuwa na kawaida ya kujiachia kihasarahasara hasa anapokuwa kwenye shoo na bendi yake.

 Mdau wa filamu Jumanne Athuman, mkazi wa Magomeni jijini Dar es Salaam, alisema amekerwa sana na kitendo cha Shilole kukaa hovyo jukwaani kwani anajidhalilisha mbele ya jamii ambayo itajitizama kupitia kwake.

 “Huyu Shilole hana heshima kabisa, juzi tu nilisoma kwenye gazeti (siyo la Global)  akiwakashfu Wema na Aunt  eti ndiyo tatizo Bongo Movies, mbona naye huwa anajiachia hovyo?

 “Kwa nini hawa wasanii hawajiheshimu? Inaniuma sana, nahisi kama ndiyo kawaida yao. Ni sikio la kufa...hawasikii dawa. Wamezidi sana, wanajichafulia heshima zao kwenye jamii,” alisema Jumanne.
Juhudi za Risasi Mchanganyiko kumpata Shilole ili azungumze picha hizo, hazikuzaa matunda baada ya simu yake kutopatikana hewani.